Sæl verið þið

Nú er komið að því...

Hið árlega PAJAMAS er í kvöld og við vonum að fólk sé búið að hita upp og strauja náttfötin. Mæting er í Gnitaheiði 4, eftir kvöldmat eða eftir um klukkan 9, þar sem hesturinn kellan og tíkin taka á móti ykkur opnum örmum.

Dagskrá kvöldsins:
Mæta, kjafta, drekka, hlæja, slúðra, snarla, spila, fara í pottinn, kveikja upp í arninum, kjafta, drekka, hlæja og sofa....

:)

Gott væri fyrir okkur Sigga að vita hverjir hafa hugsað sér að sofa, svo við getum verið búin að gera viðeigandi ráðstafanir svo sem finna dýnur.

Annars hlakkar okkur ofsalega mikið til að sjá ykkur í kvöld, Ríkey er búin að lofa mér að gera hinar árlegu skonsur í fyrramálið og við Siggi skokkum í bakaríið fyrir klukkan 8:00 um leið og við förum í hesthúsið og skjótumst aðeins austur fyrir fjall.

Þangað til á eftir, yfir og út...

HOLA GUAPOS!

Já ég segi það sama og Þórey, engin jólakort frá okkur skötuhjúum þetta árið... en við óskum ykkur gleðilegra jóla og þökkum fyrir ógleymanlegar og ómetanlegar stundir á liðnu ári! Njótið hátíðanna og ekki gleyma að borða yfir ykkur!

Við höldum sennilega jól á flugvellinum í Stokkhólmi eða einhverstaðar yfir Atlantshafinu... seinkunn á flugi, brjálað veður alls staðar og allt í volli (greenhouse effect?)

En hlökkum til að sjá ykkur í pajamas - ætli einhver setji upp rauða nefið að þessu sinni?? ;0)

Jólakveðjur,
Katrín & Steinar

Gleðileg jól

Þar sem ég ákvað að senda engin jólakort þetta árið ákvað ég að senda ykkur TMC meðlimum jólakveðju hérna á síðunni.

Ég óska ykkur gleðilegra jóla og farsældar á nýju ári. Takk fyrir samveruna á árinu, fyrir giftingar, afmæli og kaffihúsahangs. Klassi að hafa síðustu samveruna á árinu í pyjama.. :)

Kveðja
Þórey

AMMLI 22.DES - HRESSÓ!!

Þá er komið að því sem enginn hefur beðið eftir og kemur því öllum skemmtilega á óvart. Ykkur er hér með öllum boðið í afmælispartýið mitt næstkomandi föstudag, þann 22. desember. Við erum s.s. fjórir hressir jafngamlir (25. ára 17., 19., 21. og 22. des) jólastrákar sem ætlum að slá saman í heljarinnnar partý á Hressó. Mæting er uppúr 20.30 (ég veit, doldið sænskt) og góður slatti af bjór verður í boði fyrir þá sem mæta tímanlega.

Vonast til að sjá ykkur öll í eiturhressu jólaskapi :)

Kveðja, Stebbi

Sæl verið þið
Við hittumst nokkur í luns í dag og ræddum um heima og geima.
Við ákváðum að fyrst Ásdís getur ekki komist þann 30 í PAJAMAS þá verður núna óformleg skoðanakönnun.
Í boði eru dagarnir: fimmtudagurinn 28 og laugardagurinn 30.
Það skiptir engu máli fyrir okkur sem gestgjafa hvor dagurinn það verður, bara að sem flestir komist.

Endilega kommentið og þá verðum við ekki að velkjast í vafa um hvenær við getum orðið draugfull og ógeðsleg.

Kveðja dreifbýlispakkið
Hesturinn, kellan og tíkin

Sú frábæra hugmynd kom upp að halda einn TMC-lunch í þessari viku þar sem að óþarflega langur tími hefur liði síðan við hittumst síðast. Hvernig líst ykkur á að hittast í hádeginu á föstudaginn 8.des???? og hvar viljið þið hittast;)

Var að koma heim úr bíói... og get ekki orða bundist... nú veit ég hvað Daniel var að gera sl. sumar, sagði okkur að hann væri að vinna upp á hálendi og gæti aldrei hitt okkur - okkur - okkur uppáhaldsvinina sína... en ég hef komist að hinu sanna, hann var að leika í BOND myndinni!!!

Jólin eru að koma......

Já nú er 1.des kominn og þá má byrja að skreyta og hlusta á jólalög:)
En þar sem að skipulagsgleðin virðist vera við völd hjá TMC um þessar mundir, við erum jú búin að skipuleggja hittinginn næsta sumar. Hvernig væri þá að fara að skipuleggja jólahittinginn?? Hvenær komast allir sem verða á landinu yfir jólin o.s.frv.............

Annars þá óska ég þeim sem eru í próflestri góðs gengis og hlakka til að sjá ykkur um jólin;)